A divulgadora científica Tamara Pazos, segunda convidada do programa #CódigoAna
luns, 16 de outubro do 2023
O
programa #CódigoAna, o espazo de comunicación da coordinadora
nacional do BNG, Ana Pontón, terá á divulgadora científica Tamara
Pazos como a súa segunda convidada, logo do faladoiro
con Pili Pampín (primeira entrega). O programa poderá verse ao
completo este venres 20 de outubro ás 20.00 horas. Tamara Pazos é
unha comunicadora coruñesa, podcaster e escritora, máis coñecida
nas redes como @Putamen_T, que axuda á comunidade internauta, día a
día, a tomar decisións para mellorar a saúde e a calidade de vida.
Nesta
segunda entrega de #CódigoAna, Pontón e Pazos abordan cuestións
como a educación pública, a situación da ciencia e o papel da
muller no ámbito científico, o xeito no que nos afecta a nosa
presenza en contornas dixitais, a dopamina (que é capaz de producir
en nós o algoritmo das redes sociais), a aplicación da ética e da
filosofía na ciencia ou como se pode utilizar a divulgación para
que o benestar da cidadanía sexa cada vez maior.
#CódigoAna
é un espazo d conversas onde a líder do BNG quere ir máis aló do
marco estritamente político e mostrar a súa faceta máis humana e
persoal a través de charlas con referentes do mundo da cultura, da
ciencia, da economía, do audiovisual, do feminismo e de calquera
ámbito que hoxe preocupe á sociedade galega.
Tanto
os avances deste primeiro programa como a súa posterior versión
íntegra poderán verse a través das redes sociais de #CódigoAna
nas canles de Facebook, Instagran, X (antiga Twitter) e Youtube, e
será emitido coa regularidade que permite a axenda política da
líder do BNG.
Adianto do segundo capítulo
Tamara Pazos, biografía
Tamara
Pazos Cordal (A Coruña, 1992) é bióloga cun mestrado en
neurociencia e especialista no comportamento humano. Declárase “unha
orgullosa coruñesa formada enteiramente nas institucións públicas,
desde primaria ata o doutoramento”.
Actualmente
investiga na súa tese doutoral como utilizar a divulgación
científica como prevención de riscos para a saúde. A través de
talleres, e da súa conta de Instagram (@Putamen_T, que fai
referencia a unha parte do cerebro), intenta descifrarnos como
funciona o cerebro no seu conxunto.
Tamén
é a artífice do podcast Un humano por persona e a autora dos
libros La ciencia aprieta pero no ahoga e Este libro te
hará vivir más (o por lo menos mejor), unha revisión da
literatura científica sobre o sono ou a alimentación adaptada para
todos os públicos. Unha das súas últimas aventuras profesionais é
colaborar no programa Saber vivir, de TVE, falando de hábitos,
saúde e ciencia.
Nas
súas propias palabras, a súa ambición é “compartir todas
aquelas curiosidades que a axudan a tomar mellores decisións”.