As xornadas JNIC amplían o prazo de presentacións de contribucións en ciberseguridade
venres, 31 de marzo do 2023
As
VIII
Jornadas
Nacionales de Investigación en Ciberseguridad, JNIC celebraranse
este ano en Vigo. En concreto, desenvolveranse do 21 ao 23 de
xuño organizadas polo Centro de Investigación en Tecnoloxías de
Telecomunicación da Universidade de Vigo, atlanTTic, e o Centro
tecnolóxico Gradiant, co apoio do Instituto Nacional de
Ciberseguridade, INCIBE. O JNIC volveu estes días a primeira plana
informativa no ámbito tecnolóxico. O motivo? Segundo veñen de
informar os dous centros vigueses, vén
de ser ampliado o prazo do call for papers
ata o día 16 de abril. Aceptarase a presentación de
contribucións relevantes e recentes, en inglés e castelán, en
todos os eidos ligados á ciberseguridade e ás súas aplicacións,
en tres tracks: investigación en ciberseguridade,
transferencia e formación. Ademais, o 10 de abril ábrese o prazo
para asistirmos ao evento como público.
Call
for flags
O
call for flags vai
orientado á creación de retos de ciberseguridade. O obxectivo deste
CTF (Capture The Flag) en ciberseguridade é o de mellorar as
habilidades e avaliar o coñecemento en en ciberseguridade. Esta
convocatoria está aberta a docentes, estudantes e profesionais para
que poidan crear os seus propios retos, unha contribución que debe
estar adaptada ao formato proposto. As disciplinas das que deben
formar parte os retos son: Enxeñaría inversa; Exploiting;
Análise Forense; Hacking web; Criptografía e
esteganografía.
Como
asistir como público
O
vindeiro día 10 de abril abre o prazo de inscricións para asistir
ao evento. As xornadas serven de escaparate dos últimos avances
científicos na materia e materializa un foro de debate no que
presentar perspectivas e enfoques innovadores en ciberseguridade,
posibilitando a conexión entre a acción investigadora e innovadora
e o desenvolvemento de productos e servizos de valor para a
sociedade.
Segundo
informan atlanTTic e Gradiant, trátase da primeira vez que este
encontro se celebra en Galicia desde a súa posta en marcha no 2015,
e as xornadas centraranse nesta ocasión en tres eixos:
investigación, transferencia e formación en ciberseguridade. “A
ciberseguridade constituíuse como un dos sinais de identidade de
atlanTTic desde a súa fundación no 2010”, afirma o director do
centro, Martín Llamas Nistal, quen explica que desde este centro de
investigación desenvolvéronse xa 27 proxectos, “ademais
transferiuse o coñecemento ao tecido económico, impulsando a súa
competitividade e levando con éxito os seus resultados ao
mercado”.
No caso de Gradiant, o seu director, Luis
Pérez-Freire, fai fincapé en que nos derradeiros anos desenvolveron
máis de 45 proxectos no ámbito da ciberseguridade. “Hoxe 30 dos
nosos 160 profesionais están dedicados a xerar innovacións e
solucións de ciberseguridade”, afirma Pérez-Freire.
Nesta
edición do encontro, ademais da valoración dos traballos de
investigación máis destacados, púxose en marcha unha iniciativa
para valorar os mellores retos en ciberseguridade desde un punto de
vista práctico. O envío de artigos para valoración pode facerse
ata o día 31 de marzo e ata o 31 de abril en caso dos retos. Por
outra banda, as persoas interesadas en inscribirse poderán facelo a
partir do 10 de abril.
A organización das xornadas conta tamén
coa colaboración da Axencia para a Modernización Tecnolóxica de
Galicia, o Nodo Galego de Ciberseguridade Ciber.gal, a Rede de
Excelencia Nacional de Investigación en Ciberseguridade (RENIC),
Optar Solutions, ViewNext e a Cátedra R en Ciberseguridade
