Os informes da CMT constatan a permanencia da fenda dixital arredor da banda larga
martes, 1 de febreiro do 2011
A fenda dixital en banda larga achega un panorama
de dúas velocidades, segundo se pode extraer do máis recente informe da Comisión
do Mercado das Telecomunicacións (CMT) e segundo
reflicten medios como CincoDÃas.
Esta articulación dupla do Estado na Sociedade do Coñecemento, algo asà como
unha maneira de botar leña ao lume do afastamento urbano-rural, agóchase
debaixo das cifras, das ofertas das empresas e dos plans das diferentes
administracións para pórlle remedio ao escaso afianzamento das redes na España
das vilas pequenas e das aldeas.
Isto é o que se pode deducir do devandito
informe, no que se se constata que máis da metade do territorio está practicamente
a contrapelo da máis variada oferta de banda larga. Ou sexa, con ADSL (se hai
sorte) e con accesos lentos e, por enriba, máis caros. En termos concretos,
este estudo fala de que o 53,4% das liñas de acceso a internet está nestas áreas
pouco desenvolvidas ou con baixa densidade de poboación, excluÃdas da oferta óptima
que é propia dos paÃses máis desenvolvidos da EU. As liñas restantes son as das
zonas agraciadas. Ou sexa, as zonas onde hai varias operadoras ofertando rede
de banda larga, con infraestrutura propia. Por zonas desfavorecidas entendemos
as que non contan con oferta variada, senón cunha única posibilidade, ben sexa
de Telefónica ben sexa de outras empresas alternativas que achegan accesos
indirectos (revenda).