Uns afeccionados recrean fielmente a serie de animación de He-Man nun beat’em up
mércores, 15 de xaneiro do 2014
AÃnda que a serie de animación de He-Man e os Amos do Universo, que nos anos oitenta puidemos ver na
TVG, continúa a ter produtos derivados moitos anos despois (como un xogo para iOS que
puidemos ver hai pouco máis dun ano) non son poucos os nostálxicos que
queren seguir a rememorar esas historias que non eran máis que un cebo para
levar aos cativos a mercar xoguetes de Mattel, o que levou a un grupo de
afeccionados a traballar nun xogo de loita de desprazamento lateral (beat’em
up) que recolle fielmente a estética da serie de 1983 e que xa conta cunha
versión de demostración xogable.
Este proxecto
sen ánimo de lucro é froito dun intenso traballo no que colleron os
gráficos base das edicións en DVD das series de televisión de He-Man e She-Ra,
para o que tiveron que colaborar varios seareiros das series para repartirse o
traballo.
AÃnda queda moito por facer para conseguir un xogo o bastante completo, e
posiblemente o proxecto permaneza en activo durante moitos meses sen chegar a
completarse nunca, pero a alta demanda da súa versión de demostración (que
actualmente non pode descargarse polo elevado tráfico xerado nas últimas horas)
dá a entender que este tipo de traballos teñen un público obxectivo moi
definido, e goza do respaldo de moitos nostálxicos.
Un vÃdeo permÃtenos ver a calidade do traballo que está a levar a cabo este
grupo de afeccionados:
Para
facer posible esta recreación, os afeccionados empregaron o motor de xogos 2D de código
aberto OpenBOR, o que permite que poida gozarse en ordenadores e incluso en
dispositivos con Android.